झाँझ खोलामा डुबेर दाजुभाइको मृत्यु

रौतहट, १ कात्तिक । रौतहट जिल्लाको गरूडा नगरपालिका–५ शिवनगरस्थित झाँझ खोलामा शनिवार दिउँसो नुहाउन गएका दुई दाजुभाइको डुबेर मृत्यु भएको छ ।
मृत्यु हुनेमा देवाही गोनाही नगरपालिका ३ घर भई शिवनगरमा बसोबास गर्दै आएका संजिब साहका १० वर्षीय छोरा निरज साह र उनका दाइ राजकिशोर साहका १० वर्षीय छोरा अर्जुन साह रहेका छन् ।
जिल्ला प्रहरी कार्यालय रौतहटका प्रहरी नायब उपरीक्षक राजु कार्कीका अनुसार दुवै बालक नुहाउने क्रममा झाझ खोलामा डुबेका थिए। स्थानीयले उनीहरूलाई डुबेको देखेपछि तत्काल उद्धार गरी गरूडा शिवनगरस्थित संजीवनी अस्पताल पुर्रुयाए पनि चिकित्सकले दुवैलाई मृत घोषित गरेको कार्कीले जानकारी दिए ।
असोज २७ गते गौरमा पानीमा डुबेर तीन बालिकाको ज्यान गएको थियो ।