१३२ जनाले गरे अमूल्य रक्तदान

वीरगंज ५ बैशाख । वीरगंजका तीन स्थानमा शनिवार सम्पन्न छुट्टाछुट्टै रक्तदान कार्यक्रममा १३२ जनाले आफ्नो अमूल्य रक्तदान गरेका छन् ।
दुर्गा पूजा समिति रानीघाटद्वारा आयोजित २६औं खुला रक्तदान कार्यक्रममा ५८ जना पुरूष र ४ जना महिला गरी ६२ जनाले रक्तदान गरेका छन् । कार्यक्रममा सलोनी चौधरी, करण साह, मुकेश ठाकुर, कौशल्या देवी राय, विष्णु कुमार रौनियार, राकेश कुमार बर्णवाल, बसन्त कुमार रौनियार लगायतले रक्तदान गरेका छन् ।
समितिका अध्यक्ष शतिस सिंह राजपुतको अध्यक्षतामा सम्पन्न कार्यक्रममा प्रमुख अतिथि सुरेन्द्र प्रसाद यादव, वडा नम्बर ८ का वडा अध्यक्ष जवाहर प्रसाद गुप्ता, नेपाल रेडक्रस सोसाइटी वीरगंज शाखाका सभापति बृजकिशोर प्रसाद पटेल लगायत सौरभ राज पाण्डे, कार्यसमिति सदस्य दिनानाथ रौनियारको उपस्थिति रहेको थियो ।
त्यसैगरी युवा जागरूक समाज, नेपालद्वारा आयोजित रक्तदान कार्यक्रम नारायणी अस्पताल परिसरमा शनिवार सम्पन्न भएको छ।
वीरगंज महानगरपालिकाका मेयर राजेशमान सिंहको प्रमुख आतिथ्यतामा भएको कार्यक्रममा डा. सुनील जैसवाल, मुकेश कुमार कुर्मी, विवेक कुमार चौबे लगायतको उपस्थिति रहेको थियो। कार्यक्रममा २५ जना पुरूष र ७ जना महिला गरी जम्मा ३२ जनाले रक्तदान गरेका थिए।
सशस्त्र प्रहरी बल, नम्बर १३ गण वीरगंजमा आयोजित रक्तदान कार्यक्रममा ३८ जनाले रक्तदान गरेका थिए।