विज्ञापन
बारा – जितपुरसिमरा उपमहानगरपालिका-२१ स्थित सडकबाट अवैध लागूऔषध गाँजा करिब ८० किलोग्रामसहित दुईजनालाई शनिबार दिउँसो प्रहरीले पक्राउ गरेको छ ।
पक्राउ पर्नेहरूमा चितवन राप्ती नगरपालिका-१० रिकाटारका २५ वर्षीय मानबहादुर वाईवा र मकवानपुर राक्सीराङ गाउँपालिका-५ का २६ वर्षीय सुमन स्याङताङ रहेका छन् ।
विज्ञापन
इलाका प्रहरी कार्यालय अमलेखगंजबाट खटिएको प्रहरीले मनहरीबाट पथलैयातर्फ आउँदै गरेको बा१०च३६१९ नंको कारलाई जाँच गर्ने क्रममा डिकिमा लुकाई छिपाई राखेको उक्त परिमाणको गाँजा फेला पारी कार चालक मानबहादुर र कारमा सवार सुमनलाई पक्राउ गरेको हो । यस सम्बन्धमा आवश्यक अनुसन्धान भइरहेको बारा प्रहरीले जनाएको छ ।
प्रतिक्रिया लेख्नुहोस्
विज्ञापन
