शैक्षिक सहिद मुकुन्द प्रसाद खनाल स्मृति प्रतिष्ठानद्वारा महिनावारी सम्बन्धि जनचेतनामूलक कार्यक्रम 

यसैगरी, प्रशिक्षक पल्लवी हरलालकाले कक्षा ५ देखि १० सम्मका करीब २ सय २० जना अध्यनरत छात्राहरुलाई महिनावारी के हो, किन र कसरी हुन्छ ? र कतिपय महिलाहरुमा समय तल माथी फरक किन हुन्छ ? आदि बिषयमा विस्तृत रुपमा प्रशिक्षण दिएकी थिइन् ।  उनले प्रोजेक्टरको माध्यमले विभिन्न प्रयोगात्मक बिधिको प्रदर्शन गरी महिनावारिको समयमा नआतिएर सरसफाइमा विशेष सतर्कता अपनाउन आग्रह गर्नुका साथै छात्राहरुसँग अन्तरक्रिया गरी उनीहरुको जिज्ञासालाई समाधान गरेकी थिइन् ।

यसगरी, प्रतिष्ठानका अध्यक्ष मुना खनालले शिक्षा र स्वास्थ्यलाई प्राथमिकतामा राखेर समाजिक सेवा गर्ने उद्देश्यले नै प्रतिष्ठानको स्थापना भएको बताए। उनले विगतदेखि नै छात्रछात्राहरुलाई शैक्षिक सामाग्री, असहाय बालबालिकाहरुलाई विभिन्न सामाग्री एवं आवश्यक सहयोग तथा चाडपर्वमा बिपन्नहरु परिवारलाई लत्ताकपडा लगायत सहयोग प्रदान गर्नुका साथै वृक्षारोपण, स्वास्थ्य सम्बन्धी सचेतनामूलक कार्यक्रम एवं समाजका अग्रज गुरुजनहरुलाई सम्मान जस्ता कार्यक्रमहरुको आयोजन गरी सामाजिक सेवा प्रदान गरिरहेको बताऊँदै आजको कार्यक्रमलाई सभ्य एवं भव्य रुपले सम्पन्न गर्न सहयोग पुर्याउने रेल्वे मावि परिवार तथा सहभागीहरुलाइ हार्दिक धन्यवाद प्रकट गरे।