पर्सा, पोखरिया — पोखरिया नगरपालिकाले आर्थिक वर्ष २०८२/०८३ का लागि कुल रु. ४४ करोड ४० लाख २७ हजार ४ सय ४८ को बजेट सार्वजनिक गरेको छ।
नगर प्रमुख प्रदुमन प्रसाद चौहानको अध्यक्षतामा सम्पन्न नवौं नगरसभामा नीति, कार्यक्रम तथा बजेट पुस्तक हस्तान्तरण गरी प्रमुख प्रशासकीय अधिकृत रामविनय कुमार सिंहले बजेट प्रस्तुत गरेका हुन्।
बजेटका स्रोतहरू
पोखरिया नगरपालिकाको बजेट विभिन्न संघीय स्रोतहरूबाट संकलन गरिनेछ। प्राप्त विवरण अनुसार बजेटका मुख्य स्रोत निम्नानुसार छन्:
संघीय वित्तीय समानीकरण अनुदान — रु. १० करोड ५९ लाख
संघीय सशर्त अनुदान (चालु) — रु. २० करोड २१ लाख
संघीय समपूरक अनुदान — रु. ५० लाख
संघीय विशेष अनुदान — रु. १ करोड १३ लाख
संघीय राजस्व बाँडफाँट — रु. ९ करोड २८ लाख २७ हजार ४ सय ४८
कुल अनुमानित बजेट — रु. ४४,४०,२७,४४८
शिव मन्दिर धर्मशालामा विशेष कार्यक्रम
बजेट प्रस्तुतिसहितको नीति तथा कार्यक्रम सार्वजनिक गर्ने कार्यक्रम पोखरिया नगरपालिका वडा नं. ४ मा रहेको प्राचीन पोखरेश्वर महादेव मन्दिरको सार्वजनिक धर्मशालामा आयोजना गरिएको थियो।
कार्यक्रमको उद्घाटन नगर प्रमुख चौहानले पानसमा दीप प्रज्वलन गरी गरेका थिए।
विशेष सहभागिता
कार्यक्रममा विभिन्न वडाध्यक्ष, जनप्रतिनिधि, राजनीतिक दलका प्रतिनिधि, समाजसेवी, कर्मचारी, सञ्चारकर्मी, सुरक्षाकर्मीहरू लगायतको उल्लेखनीय उपस्थिति रहेको थियो। सहभागीमध्ये प्रमुख नामहरू यसप्रकार छन्:
वडाध्यक्षहरू: प्रमोद गिरी, केदार महतो चाई, रामप्रवेश प्रसाद चौहान, लक्ष्मण साह कानु, महेन्द्र महतो चाई
कार्यपालिका सदस्यहरू: सिमानन्द प्रसाद चौहान, प्रमानन्द प्रसाद पटेल, किसोरी साह तेली, नौसाद आलम, सोनालाल साह गोढ
वडा सदस्यहरू: अजय कुमार कलवार, राधा साह कानु, रामबचन महतो
पूर्व उप–प्रमुख: सलमा खातुन
संस्था प्रतिनिधिहरू: भगवान प्रसाद कुर्मी (रेडक्रस उपशाखा पोखरिया), विन्धाचल ठाकुर (नेकपा एमाले पोखरिया नगर समिति अध्यक्ष), राजु साह, मिताराम प्रसाद पटेल, गोबर्धन प्रसाद यादव
कर्मचारी सम्मान र सहजीकरण
कार्यक्रमको विशेष आकर्षणको रूपमा नगरपालिकामा कार्यरत कर्मचारीहरूलाई मुल्यांकनको आधारमा कदर–पत्रसहित सम्मान गरिएको थियो।
कार्यक्रमको सहजीकरण शिव पटेल र भगवान साह कानुले गरेका थिए।
