अभितक डेस्क — गर्मी सुरु भएसँगै तातो हावा, घाम, र पसिनाले दैनिक जीवनमा असर पार्न थालेको छ। यस्तो अवस्थामा खानपानमा ध्यान नदिँदा पेटका रोग, डिहाइड्रेसन र कमजोरीजस्ता समस्या देखिने गर्छन् । स्वास्थ्य विज्ञहरू भन्छन् — ‘गर्मीमा शरीरलाई शीतल राख्न र ऊर्जावान् बनाइराख्न सन्तुलित र हल्का खाना अत्यावश्यक हुन्छ ।’
✅ के–के खाने ?
-
तरबूजा, खरबुजा, कागती, अम्बा जस्ता फलफूल — पानीको मात्रा धेरै भएकाले शरीरलाई चिसो राख्छन् ।
विज्ञापन
-
काँक्रो, टमाटर, लट्टे साग — सजिलै पच्ने र पेट सफा राख्ने ।
-
दही र चिउरा — बिहानको खाजाका लागि उपयुक्त, पाचन सुधार्ने ।
-
नरिवल पानी, लस्सी, जिरा पानी — शरीरको ताप घटाउँछ र डिहाइड्रेसनबाट बचाउँछ ।
-
झोलदार खाना जस्तै दाल, सुप — हल्का, पोषणयुक्त र पचाउन सजिलो ।
❌ के–के नखाने ?
-
गह्रौँ, मसलेदार, भुटेका खाना — शरीरमा तातोपन बढाउँछ, पच्न गाह्रो ।
-
स्ट्रीट फुड (पानीपुरी, चटपट, समोसा) — गर्मीमा सजिलै बिग्रिन सक्छ, फुड प्वाइजनिङको जोखिम ।
-
बोटलको चिसो पेय (सोडा, कोल्ड ड्रिंक) — पानीभन्दा झन् डिहाइड्रेट गर्ने ।
-
धेरै चिया–कफी — शरीरबाट पानी बाहिर निकाल्ने, तातोपन बढाउने ।
-
अत्यधिक मासुजन्य परिकार — गर्मीमा पच्न ढिलो हुने, ग्यास्ट्रिक समस्या निम्त्याउने ।
🩺 स्वास्थ्य सल्लाह
“गर्मीमा खानपान सावधानीपूर्वक गर्न सके धेरै रोगहरूबाट बच्न सकिन्छ,” चिकित्सकहरू बताउँछन् । चिसो स्थानमा बस्ने, नियमित पानी पिउने, र अत्यधिक घाममा लामो समय नबस्ने सल्लाह दिइन्छ ।
