पोखरिया, १५ असार – मधेश प्रदेश सरकार अन्तर्गत स्वास्थ्य तथा जनसंख्या मन्त्रालयको आयोजना, स्वास्थ्य निर्देशनालयको संयोजन र पोखरिया नगरपालिकाको सहकार्यमा पोखरिया अस्पतालमा एकदिने आयुर्वेद स्वास्थ्य शिविर शनिवार सफलतापूर्वक सम्पन्न भएको छ।
आयुर्वेद स्वास्थ्य सेवा पहुँच विस्तार गर्ने उद्देश्यले आयोजना गरिएको शिविरमा तीनसयभन्दा बढी सेवाग्राहीहरुले विशेषज्ञ स्वास्थ्य सेवा पाएका जनाइएको छ। बिहान पोखरिया नपा वडा नं ४ स्थित शिव मन्दिरको हलमा योग शिविर समेत संचालन भएको थियो, जसको संचालन रानीगंज आयुर्वेद औषधालयका कविराज निरीक्षकधिरेन्द्रकुमार सिंहले गरेका थिए ।
पोखरिया अस्पतालमा ४ जना विशेषज्ञहरु, डा मिथिलेश साह ( एमडी मौलिक सिधाान्त, आयुर्वेद शिक्षण अस्पताल कीर्तिपुर, काठमाडौ), डा मनिस सिंह (एमडी, मौलिक सिधाान्त ), डा जितेन्द्र मंडल ( एमडी शल्यक्रिया) र डा एलपी मंडलले सेवा प्रदान गरेका थिए । स्थानीयहरुले विभिन्न रोगहरूको निदान तथा निश्शुल्क औषधि सेवा प्राप्त गरे। साथै, स्वस्थ जीवनशैली, योग अभ्यास र प्राकृतिक उपचार पद्धतिबारे समेत जनचेतनामूलक जानकारी दिइएको थियो।
कार्यक्रममा पोखरिया नपाकी उपमेयर रुबीकुमारी ठाकुर, रामबाबु साह, प्रमुख प्रशासकीय अधिकृत रामविनय सिंह, डा मुन्नाकुमार, अजाद आलम, गौतम सिंह, गोविन्दकुमार, रमेशराम पटेल, सोनुकुमार ठाकुर, अर्जुनदास ठाकुर, ऋषिकुमार यादव, बमकुमार पटेल, शुभेक्षा कुमारी, सुरेन्द्रप्रसाद साह, रामबाबु पाण्डेय र मिरा देवी लगायत अन्य स्थानीय बासिन्दाहरूले समेत उत्साहजनक सहभागिता रहेको थियो लगायत स्थानिहरुको उल्लेखनीय सहभागिता रहेको थियो। कार्यक्रमको सहजीकरण प्रादेशिक आयुर्वेद तथा बैकल्पिक चिकित्सालय, बाराका वरिष्ठ कविराज निरीक्षक नागेन्द्र पटेलके गरेका थिए।
यसैगरी, कार्यक्रमको स्थानीय समन्यकर्तको रूपमा रानीगंज आयुर्वेद औषधालयका प्रमुख कविराज निरीक्षक धीरेन्द्रकुमार सिंहले फौलोअप (Follow-up) सेवाका लागि बिरामीहरूलाई रानीगंज आयुर्वेद औषधालय र बैरिया बिर्ता आयुर्वेद स्वास्थ्य केन्द्रमा सम्पर्क गर्न जानकारी गराए।
