वीरगन्ज | पर्सा क्षेत्र नं. ३ मा ‘परिवर्तनको आँधी’ – युवा उम्मेदवार रुपेश पाण्डेतर्फ जनसमर्थन उर्लिंदै आगामी निर्वाचन नजिकिँदै गर्दा पर्सा जिल्लाको निर्वाचन क्षेत्र नं. ३ मा चुनावी माहोल निर्णायक मोडमा पुगेको छ। यस क्षेत्रको प्रतिस्पर्धा अब केवल उम्मेदवारबीचको होइन, पुरानो असफल अभ्यास र नयाँ सम्भावनाबीचको निर्णायक टकराव का रूपमा स्थापित भएको छ। नेकपा एमालेका युवा, ऊर्जावान र दूरदर्शी उम्मेदवार रुपेश पाण्डे र नेपाली कांग्रेसका दशकौँदेखि दोहोरिँदै आएका पाका नेता सुरेन्द्र चौधरी बीचको यो चुनावलाई मतदाताहरूले खुला रूपमा “नयाँ बनाम पुरानो” को लडाइँ मानेका छन्।
पुरानाबाट थकित, नयाँप्रति आकर्षित मतदाता
विगत लामो समयदेखि एउटै अनुहारलाई अवसर दिँदै आएका क्षेत्र नं. ३ का मतदाताहरू यसपटक स्पष्ट रूपमा परिवर्तनको पक्षमा उभिएका छन्। ७५ वर्षीय सुरेन्द्र चौधरी पटक–पटक निर्वाचित भए पनि अपेक्षित विकास नहुनु, युवाको पलायन रोक्न नसक्नु र आधारभूत पूर्वाधारमा ठोस प्रगति नदेखिनु स्थानीयको मुख्य गुनासो बनेको छ।
यही असन्तुष्टि अहिले रुपेश पाण्डेको पक्षमा जनलहर का रूपमा रूपान्तरण भइरहेको देखिन्छ।
किन रुपेश पाण्डे? जनताकै आवाज
गाउँ–टोल, चोक–चौतारो र बजारमा एउटै चर्चा सुनिन्छ— “अब काम गर्ने युवालाई मौका दिनुपर्छ।”
स्थानीय मतदाताहरू भन्छन्:
-
राजनीतिक शुद्धीकरणको आवश्यकता
“एउटै अनुहारलाई जिताउँदा क्षेत्र पछाडि पर्यो, अब नयाँ सोच र साहस भएको नेतृत्व चाहिन्छ।” -
स्पष्ट विकास एजेन्डा
पाण्डेले अघि सारेका कृषि आधुनिकीकरण, सडक सञ्जाल विस्तार, र युवा स्वरोजगार का कार्यक्रमले किसान, युवा र व्यापारी वर्गमा ठूलो आशा जगाएको छ। -
बलियो संगठन + सफा छवि
नेकपा एमालेको सशक्त संगठन र पाण्डेको इमानदार, व्यवसायिक र समाजसेवी छविले जितप्रति विश्वास झनै बलियो बनाएको छ।
कांग्रेसभित्रै असन्तुष्टि, एमालेतर्फ झुकाव
नेपाली कांग्रेसले पटक–पटक पुरानै अनुहार दोहोर्याउँदा पार्टीभित्रै असन्तुष्टि र अन्योल देखिन थालेको छ। यसको प्रत्यक्ष लाभ रुपेश पाण्डेलाई पुगेको छ। कांग्रेसका परम्परागत मतदातासमेत खुलेर “यसपटक सोच बदल्ने” संकेत गर्न थालेका छन्।
परिवर्तनको संवाहकका रूपमा रुपेश पाण्डे
आज रुपेश पाण्डे केवल एउटा उम्मेदवार मात्र होइनन्—
उनी आशा, ऊर्जा र परिवर्तन का प्रतीक बनेका छन्।
